ABŞ polisi yüzlərlə insanın həyatını xilas edən azərbaycanlını mükafatlandırıb

ABŞ polisi yüzlərlə insanın həyatını xilas edən azərbaycanlını mükafatlandırıb



ABS polisi yuzlərlə insanin həyatini xilas edən azərbaycanlini mukafatlandirib

ABŞ-ın Kaliforniya ştatında yaşayan azərbaycanlı Fərrux Məmmədov Kempbell Şəhər Polis İdarəsi tərəfindən xüsusi mükafat ilə təltif olunub.

“Report”un yerli bürosu xəbər verir ki, ABŞ polisinin qəhrəman adlandırdığı azərbaycanlı haqqında yerli ABC7 telekanalı süjet hazırlayıb.

Xəbərdə bir cinayətkarın hazırladığı terror planından və F.Məmmədovun həmin planı at-üst edən qəhrəmanlığından bəhs olunur. Belə ki, F.Məmmədov iyulun 9-da gecə yarısı müşahidə kamerasında gördüyü terrorçu haqqında 911-ə zəng edərək ABŞ polisinə məlumat verib.

Hadisə yerinə gələn polis əməkdaşları avtomobilində müxtəlif markalı tüfənglər, tapança, əl qumbaraları, narkotik vasitələr gizlədərək kütləvi atəş planı hazırlayan təhlükəli cinayətkarı həbs edib. Polis hesab edir ki, Fərrux Məmmədovun zəngi yüzlərlə insanın həyatını xilas edib. Kempbell Şəhər Polis İdarəsi həmyerlimizə təşəkkür edib.

Vüsalə Abbasova





Mənbə: https://report.az/diger-olkeler/abs-polisi-yuzlerle-insanin-heyatini-xilas-eden-azerbaycanlini-mulkafatlandirib/

Comments are closed, but trackbacks and pingbacks are open.