Abşeronda şadlıq evinin rəhbəri həbs edilib

Abşeronda şadlıq evinin rəhbəri həbs edilib


Abşeronda şadlıq evinin rəhbəri karantin qaydalarını pozduğu üçün inzibati qaydada həbs edilib.

Bu barədə “Report”a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, rayonun Aşağı Güzdək qəsəbəsində yerləşən “Alyans” şadlıq evində koronavirus epidemiyası ilə əlaqədar tətbiq edilmiş karantin rejiminin pozulması halları aşkar edilib.

Polis əməkdaşları tərəfindən keçirilən tədbir zamanı şadlıq evində karantin qaydalarının pozularaq 150 nəfərdən artıq şəxsin iştirakı ilə toy məclisi təşkil edildiyi məlum olub.

Tədbir nəticəsində şadlıq evini icarə əsasında işlədən Rufan Qasımov Abşeron Rayon Polsi İdarəsinin əməkdaşları tərəfindən saxlanılıb.

Onun barəsində inzibati protokol tərtib edilib və məhkəmənin qərarı ilə həmin şəxs 8 sutka inzibati qaydada həbs olunub.

Abseronda sadliq evinin rəhbəri həbs edilib





Mənbə: https://report.az/hadise/abseronda-sadliq-evinin-rehberi-hebs-edilib/

Comments are closed, but trackbacks and pingbacks are open.