Avropa Liqası: Mahir Emrelinin komandası “Spartak”a qalib gəlib

"Neftçi"nin legioneri: "Hər şeyi "Barselona"dan öyrənmişəm" - MÜSAHİBƏ


UEFA Avropa Liqasında qrup mərhələsinə start verilib.

“Report”un məlumatına görə, ilk oyun günündə 1 qarşılaşma keçirilib.

Açılış matçında Azərbaycan millisinin hücumçusu Mahir Emrelinin çıxış etdiyi Polşa “Legiya”sı Rusiyada “Spartak” (Moskva) klubu ilə üz-üzə gəlib. “Spartak” stadionunda oynanılan görüş qonaqların 1:0 hesablı qələbəsi ilə başa çatıb. Yeganə qolu matçın əsas vaxtına əlavə olunmuş 2-ci dəqiqədə Lerim Kastrati vurub.

Oyuna start heyətində başlayan Emreli 82-ci dəqiqədə Tomaş Pexartla əvəzlənib. 24 yaşlı hücumçu 77-ci dəqiqədə fərqlənmək üçün yaxşı fürsət yaxalasa da, başla vurduğu top dirəyə dəyərək qapı xəttini tərk edib.

Qeyd edək ki, C qrupunun digər oyununda İngiltərə “Lester”i İtaliya “Napoli”sini qəbul edəcək.





Mənbə: https://report.az/futbol-xeberleri/avropa-liqasi-mahir-emrelinin-komandasi-spartak-a-qalib-gelib/

Comments are closed, but trackbacks and pingbacks are open.