Azərbaycan lideri: “Ötən il Ukrayna ilə ticarət dövriyyəmiz 20 faizdən çox artıb”

Azərbaycan lideri: "Ötən il Ukrayna ilə ticarət dövriyyəmiz 20 faizdən çox artıb"



Azərbaycan lideri Otən il Ukrayna ilə ticarət dovriyyəmiz 20 faizdən

“Şadam ki, ticarət dövriyyəmiz pandemiyaya baxmayaraq, keçən il 20 faizdən çox artıb və mən ümid edirəm ki, yaxın gələcəkdə 1 milyard dollar səviyyəsinə çatacaq, bəlkə də ondan çox”.

“Report”un xəbərinə görə, bunu Azərbaycan Prezidenti İlham Əliyev yanvarın 14-də Kiyevdə Ukraynanın dövlət başçısı Volodimir Zelenski ilə mətbuata birgə bəyanatlarla çıxış edərkən deyib.

“Çünki bizim bu gün imzaladığımız sənədlərin və müzakirə olunan digər məsələlərin həyatda öz əksini tapması, əlbəttə ki, iki ölkə arasındakı ticarət dövriyyəsinin artırılmasına da mütləq xidmət edəcəkdir. Hesab edirəm ki, ərzaq təhlükəsizliyi ilə bağlı bu gün əldə edilmiş razılaşmalar Azərbaycana imkan verəcək ki, öz ərzaq təhlükəsizliyini daha geniş həcmdə təmin etsin. Eyni zamanda, birgə müəssisələrin yaradılması, kənd təsərrüfatı məhsullarının emalı və ixracı ilə bağlı birgə fəaliyyət üçün bu gün zəmin yaradılmışdır. Bu, bir yenilikdir, bizim əlaqələrimizdə bu sahə ilə bağlı hesab edirəm ki, atılan ən mühüm addımlardan biridir. Bütün başqa sahələrdə də biz əməkdaşlığa açığıq”, – dövlət başçısı vurğulayıb.





Mənbə: https://report.az/xarici-siyaset/azerbaycan-lideri-oten-il-ukrayna-ile-ticaret-dovriyyemiz-20-faizden-cox-artib/

Comments are closed, but trackbacks and pingbacks are open.