Azərbaycan neftinin qiyməti 89 dolları ötüb

Azərbaycan neftinin qiyməti 89 dolları ötüb



Azərbaycan neftinin qiyməti 89 dollari otub

Dünya bazarında “Azeri Light” markalı Azərbaycan neftinin 1 barelinin qiyməti 1 ABŞ dolları, yaxud 1,1 % artaraq 89,12 ABŞ dollara çatıb.

Bu barədə “Report”a neft bazarındakı mənbə məlumat verib.

Ötən gün “Brent” markalı neftin bir bareli 86,06 ABŞ dolları olub.

Azərbaycanın builki dövlət büdcəsində bir barel neftin orta qiyməti 50 ABŞ dolları götürülüb.

Xatırladaq ki, “Azeri Light” neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.

Azərbaycanda neft əsasən “Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25 %-dir.





Mənbə: https://report.az/energetika/azerbaycan-neftinin-qiymeti-89-dollari-otub/

Comments are closed, but trackbacks and pingbacks are open.