Azərbaycanın regionlarında İKT üzrə təlimçilərin hazırlanmasına başlanılıb

Azərbaycanın regionlarında İKT üzrə təlimçilərin hazırlanmasına başlanılıb



Azərbaycanin regionlarinda IKT uzrə təlimcilərin hazirlanmasina baslanilib

Azərbaycanda telefon rabitəsinin 140 illiyi münasibətilə Rəqəmsal İnkişaf və Nəqliyyat Nazirliyinin dəstəyi, İKT LAB Tətbiq və Tədris Mərkəzinin təşkilatçılığı və “Aztelekom” MMC-nin tərəfdaşlığı ilə regionlarda informasiya texnologiyaları (İT) sahəsində təlimçilərin hazırlanmasına start verilib. 

“Report” bu barədə nazirliyə istinadən xəbər verir. 

Məlumata görə, təlimin əsas məqsədi ölkəmizin müxtəlif regionlarında fəaliyyət göstərən İT mütəxəssislərinin təlimçilik bacarıqlarını yüksəltmək və regionlarda peşəkar İT təlimçilərinin sayını artırmaqdır. Bu təlimləri uğurla başa vuracaq mütəxəssislərin “İKT LAB” Tətbiq və Tədris Mərkəzinin regional təlimlərinə təlimçi qismində cəlb edilməsi nəzərdə tutulur.

Təlimdə Gəncə, Naxçıvan, Şərur, Mingəçevir, Şəki, Zaqatala, Lənkəran, Şamaxı, Qazax, Şirvan, Ağdaş, Göyçay, Qəbələ, İmişli şəhərlərində yaşayan və müəyyən edilmiş tələblərə cavab verən şəxslər iştirak ediblər.

Bir ay müddətində intensiv formada keçiriləcək təlimdə iştirakçılara İT əsasları (İT texnik) üzrə təlimçilik bacarıqları öyrədiləcək. Əsas hissəsi onlayn, yekun hissəsi isə Bakıda təşkil olunacaq təlimi uğurla bitirən şəxslər İKT LAB-ın təlimçilik sertifikatı ilə təltif ediləcəklər.





Mənbə: https://report.az/ikt/regionlarda-informasiya-texnologiyalari-sahesinde-telimcilerin-hazirlanmasina-baslanilib/

Comments are closed, but trackbacks and pingbacks are open.