Bərdədə karantin qaydalarının pozulduğu toyda 5 nəfər cərimələnib

300 nəfərlik toy keçirmək istəyən şadlıq sarayının rəhbəri cəzalandırılıb, obyekt bağlanır



Bərdədə karantin qaydalarinin pozuldugu toyda 5 nəfər cərimələnib

Bərdə Rayon Polis Şöbəsi və digər aidiyyəti qurumların əməkdaşlarının karantin rejimi qaydalarının təmin edilməsi məqsədilə birgə keçirdikləri tədbirlər nəticəsində pozuntu hallarının baş verdiyi toy məclisləri müəyyən edilib.

Daxili İşlər Nazirliyinin Mətbuat Xidmətinin Bərdə regional qrupundan “Report”a verilən məlumata görə, yoxlamalar zamanı “Muğan Məkan” və “Samux” şadlıq saraylarında keçirilən toy mərasimlərinin “icazə.e-gov.az” portalında qeydiyyatdan keçmədiyi aşkar edilərək, restoranlara cavabdeh şəxslər barəsində qanuna müvafiq tədbirlər yerinə yetirilib.

Davam etdirilən digər tədbirlərlə isə fərdi yaşayış evində keçirilən toy məclisində də karantin rejimi qaydalarının pozulduğu aşkarlanıb. Həmin məclisdə qonaqların sayı normadan artıq olduğu müəyyən edilib. Ev yiyəsi də daxil olmaqla ümumilikdə qayda pozuntusuna yol vermiş 5 nəfər barəsində İnzibati Xətalar Məcəlləsinin müvafiq maddələri ilə protokollar tərtib edilib.





Mənbə: https://report.az/hadise/berdede-karantin-qaydalarinin-pozuldugu-toy-meclisinde-5-nefere-protokol-tertib-edilib/

Comments are closed, but trackbacks and pingbacks are open.