Cəlilabadda polis əməkdaşı yol qəzasına düşüb, Bakıya göndərilib

Cəlilabadda polis əməkdaşı yol qəzasına düşüb, Bakıya göndərilib



Gəncədə partlayis nəticəsində agir xəsarət alan ana və oglu Bakiya

Cəlilabad Rayon Polis Şöbəsinin Post Patrul Xidməti bölüyünün polis nəfəri, polis serjantı Tural Atakişiyev yol qəzasına düşüb.

Bu barədə “Report”un Muğan bürosuna DİN-in Mətbuat Xidmətinin Lənkəran regional qrupundan məlumat verilib.

Bildirilib ki, T.Atakişiyev dekabrın 29-da axşam saatlarında xidmətdən kənar vaxtda “VAZ-21214” markalı şəxsi avtomobili ilə Cəlilabad-Yardımlı yolunun Sərhədabad kəndi ərazisindən keçən hissəsində hərəkətdə olarkən idarəetməni itirib. Nəticədə nəqliyyat vasitəsi aşaraq yol kənarına düşüb. Sürücü müxtəlif dərəcəli bədən xəsarətləri ilə Cəlilabad Rayon Mərkəzi Xəstəxanasına yerləşdirilib, hazırda ona təxirəsalınmaz ixtisaslı tibbi yardım göstərilir.

Cəlilabad Rayon Mərkəzi Xəstəxanasından “Report”un yerli bürosuna polis əməkdaşının vəziyyəti ağır olduğundan paytaxt xəstəxanalarından birinə təxliyə edildiyi vurğulanıb.

Faktla bağlı araşdırma aparılır.





Mənbə: https://report.az/hadise/celilabadda-polis-emekdasi-yol-qezasina-dusub-bakiya-gonderilib/

Comments are closed, but trackbacks and pingbacks are open.