Cəlilabadda Vətən müharibəsi şəhidlərinin xatirəsinə həsr edilmiş kompleksin açılışı olub 

Cəlilabadda Vətən müharibəsi şəhidlərinin xatirəsinə həsr edilmiş kompleksin açılışı olub 


Cəlilabad rayonunda Vətən müharibəsi şəhidlərinin əziz xatirəsinə həsr edilmiş kompleksin açılışı olub.

“Report”un Muğan bürosunun məlumatına görə, Xatirə Kompleksi şəhər qəbiristanlığının ərazisində yerləşir.

Kompleksin ərazisində işıqlanma sistemləri qurulub və dekorativ ağaclar əkilib. Xatirə Kompleksində Vətən Müharibəsində şəhid olmuş 97 qəhrəmanın fotosu və onlar haqqında məlumat lövhələri öz əksini tapıb.

Qeyd edək ki, Xatirə Kompleksi rayon sakinlərinin təşəbbüsü ilə tikilib.

Cəlilabadın 97 sakini qırx dörd günlük Vətən Müharibəsində qəhrəmancasına şəhid olub. Onlar müxtəlif orden və medallarla təltif ediliblər.





Mənbə: https://report.az/qarabag/celilabadda-veten-muharibesi-sehidlerinin-xatiresine-hesr-edilmis-kompleksin-acilisi-olub/

Comments are closed, but trackbacks and pingbacks are open.