Siyasət

Dumanın deputatı: Belə dağıntıların Ağdamda törədilməsi məni heyrətləndirir

“Üçtərəfli atəşkəs bəyanatının imzalanmasında əsas rol oynayan Rusiya Federasiyasının nümayəndəsi olaraq, Azərbaycan və erməni xalqlarına sülh arzulayıram”.

Bunu “Report”a Ağdama səfər etmiş Rusiya nümayəndə heyətinin üzvü, Dövlət Dumasının Liberal Demokratik Partiyası fraksiyası rəhbərinin müşaviri Sergey Voronin bildirib.

Deputat həmçinin diplomatik danışıqlar yolu ilə iki ölkə arasında birdəfəlik sülh müqaviləsinin imzalanmasına nail olunacağına ümidini ifadə edib.

“Təəccüblüdür ki, Azərbaycan xalqı üçün böyük tarixi əhəmiyyətə malik olan Ağdam şəhəri belə vəhşicəsinə məhv edilib. Əgər 30 il ərzində bu əraziləri özünüzünkü hesab edirdinizsə, onda niyə onu bərpa etmədiniz, əhalinizi məskunlaşdırmadınız? Bir çox məsələlər görkəmli arxitektura binası, Ağdam məscidinin Azərbaycan hərbçilərinə necə qarşı artilleriya və tuşlama üçün oriyentir olmasına dair fakt yaradır”, – Sergey Voronin deyib.




Mənbə: https://report.az/qarabag/dumanin-deputati-bele-dagintilarin-agdamda-toredilmesi-meni-heyretlendirir/

Related Articles

Back to top button