Floridada hər il 18 oktyabr Azərbaycanın Müstəqilliyinin Bərpası kimi qeyd olunacaq

Floridada hər il 18 oktyabr Azərbaycanın Müstəqilliyinin Bərpası kimi qeyd olunacaq


ABŞ-ın Florida ştatından olan senator Anet Tadio (Annette Taddeo) Azərbaycanın Müstəqilliyinin Bərpası Günü ilə əlaqədar Bəyannamə imzalayıb.

“Report”un yerli bürosu xəbər verir ki, senator sənədi Florida ştatında fəaliyyət göstərən Azərbaycan-Amerika Mədəniyyət Assosiasiyasının sədri Töhfə Eminovaya təqdim edib.

O, bəyannamədə 18 oktyabr tarixinin Florida ştatında “Azərbaycanın Müstəqillik Günü” kimi qeyd olunmasına qərar verdiyini açıqlayıb.

A.Tadio ölkəmizin müstəqilliyinib bərpasının 30 illiyi ilə əlaqədar Azərbaycan xalqını təbrik edib.

Floridada fəaliyyət göstərən Azərbaycan icmasının aktiv fəaliyyətindən məmnunluğunu dilə gətirən senator 2006-cı il oktyabrın 26-da yaradılan və Floridada aktiv diaspor fəaliyyəti ilə məşğul olan Azərbaycan-Amerika Mədəniyyət Assosiasiyasının üzvlərinə uğurlar arzulayıb.

A.Tadio ABŞ-da yaşayan azərbaycanlıların milli-mənəvi dəyərlərinə layiqincə sahib çıxdıqlarını və Azərbaycanın zəngin mədəniyyətini, incəsənətini yüksək səviyyədə təbliğ etdiklərini bildirib.





Mənbə: https://report.az/xarici-siyaset/abs-in-florida-statinda-her-il-azerbaycanin-musteqillik-gunu-qeyd-olunacaq/

Comments are closed, but trackbacks and pingbacks are open.