Gənclər və idman naziri voleybol federasiyasının fəaliyyəti ilə tanış olub

Gənclər və idman naziri voleybol federasiyasının fəaliyyəti ilə tanış olub


Gənclər və idman naziri Fərid Qayıbov Azərbaycan Voleybol Federasiyasının fəaliyyəti ilə tanış olub.

Nazirlikdən “Report”a verilən məlumata görə, F.Qayıbov yeniyetmə və gənc voleybolçularla görüşüb, onların məşq proseslərini izləyib. Nazir Voleybol Federasiyasında yaradılmış şəraitlə də maraqlanıb.

Federasiyasının 1-ci vitse-prezidenti Faiq Qarayev nazirə qururumun fəaliyyəti, yarışlara hazırlıq, regionlarda voleybol bölmələrinin təşkili, gənc idmançılarla işin qurulması, çətinliklər, federasiyanın gələcək planları barədə məlumat verib. Qeyd olunan məsələlər ətrafında fikir mübadilələri aparılıb.

Görüşdə federasiyanın baş katibi Cəlil Cəfərov, vitse-prezident Əbülfəs Hüseynov, baş koordinator Zöhrab Gözəlbəyli və yeniyetmələrdən ibarət milli komandanın baş məçqçisi Alla Həsənova iştirak ediblər.





Mənbə: https://report.az/komanda/gencler-ve-idman-naziri-faiq-qarayevle-gorusub/

Comments are closed, but trackbacks and pingbacks are open.