Koronavirusa yoluxan həbsdəki sabiq icra başçısı ECMO cihazına qoşuldu – Yenicag.Az

Koronavirusa yoluxan həbsdəki sabiq icra başçısı ECMO cihazına qoşuldu – Yenicag.Az


Vəzifə cinayətlərinə görə həbs olunan, Biləsuvar Rayon İcra Hakimiyyətinin koronavirusa yoluxan sabiq başçısı Mahir Quliyev ECMO cihazına qoşulub.

Yenicag.az xəbər verir ki, bu barədə Oxu.Az-a onun vəkili məlumat verib.

O bildirib ki, M.Quliyevin səhhətində irəliləyiş yoxdur:

“ECMO cihazına qoşulu vəziyyətdədir. Müalicəsi davam edir, vəziyyəti isə ağır olaraq qalır”.

Xatırladaq ki, M.Quliyev Dövlət Təhlükəsizliyi Xidmətinin 2020-ci il aprelin 29-da həyata keçirdiyi əməliyyat-istintaq tədbirləri nəticəsində saxlanılıb və məhkəmənin qərarı ilə barəsində həbs qətimkan tədbiri seçilib.

O, Cinayət Məcəlləsinin 179-cu (mənimsəmə və israf etmə), 308.1-ci (vəzifə səlahiyyətlərindən sui-istifadə etmə), 311.3.2-ci (təkrar rüşvət alma) və 313-cü (vəzifə saxtakarlığı) maddələri ilə təqsirləndirilərək ittiham elan edilib.

Ötən il aprelin 30-da isə Biləsuvar Rayon İcra Hakimiyyətinin başçısı vəzifəsindən azad edilib.

COVID 19 pasportu olmadan toya pul yazdirib cixmaq olar – YenicagAz

www.yenicag.az





Mənbə: https://yenicag.az/koronavirusa-yoluxan-hebsdeki-sabiq-icra-bascisi-ecmo-cihazina-qosuldu/

Comments are closed, but trackbacks and pingbacks are open.