Mustafa Şentop xariciləri Azərbaycanın azad olunmuş ərazilərinə səfərə çağırıb

Mustafa Şentop xariciləri Azərbaycanın azad olunmuş ərazilərinə səfərə çağırıb



Mustafa Sentop xariciləri Azərbaycanin azad olunmus ərazilərinə səfərə cagirib

“Biz dünya ölkələrinin hökumət rəsmilərini, diplomatları, vətəndaş cəmiyyəti institutlarının təmsilçilərini, alimləri, jurnalistləri 30 ilə yaxın erməni işğalı altında qalmış Azərbaycan ərazilərinə səfər etməyə çağırırıq. Əminəm ki, azad edilmiş torpaqlara gələn xarici nümayəndələr erməni vandallığına da yaxından şahid olacaqlar”.

“Report” xəbər verir ki, bu fikirləri Türkiyə Böyük Millət Məclisinin (TBMM) sədri Mustafa Şentop “HaberGlobal” televiziyasına eksklüziv müsahibəsində deyib.

O, Qarabağda yaşayış məntəqələrinə, tarixi və mədəni abidələrə qarşı erməni vandallığını kəskin pisləyib: “Şuşada vəziyyət müəyyən qədər normaldır. Ancaq digər işğaldan azad edilmiş rayonlardaki acınacaqlı vəziyyət ermənilərin özlərini dünya ictimaiyyətinə sülhsevər kimi təqdim etmək niyyətini puça çıxarır”.

M.Şentop Şuşaya səfərinin məqsədini də açıqlayıb: “Bizim niyyətimiz dünyanın diqqətini Azərbaycanın azad edilmiş ərazilərinə çəkmək və həqiqətləri görməsinə nail olmaqdır”.





Mənbə: https://report.az/region-xeberleri/mustafa-sentop-xaricileri-azad-olunmus-erazilere-sefer-etmeye-cagirib/

Comments are closed, but trackbacks and pingbacks are open.