Siyasət

Pentaqon rəhbəri İsrailə səfər edəcək

ABŞ-ın müdafiə naziri Lloyd Ostin gələn həftə İsrailə səfər edəcək.

“Report” xəbər verir ki, bu barədə “Axios” bildirib.

Qeyd edilir ki, bu, Bayden administrasiyasının nazirlər kabineti səviyyəsində Yaxın Şərqə birinci səfəri olacaq.

Ostinin İsrailə bazar günü gələcəyi, baş nazir Binyamin Netanyahu, müdafiə naziri Benni Qans və xarici işlər naziri Qabi Aşkenazi ilə görüşəcəyi gözlənilir. İsrailin rəsmi şəxslərinin sözlərinə görə, gündəliyə İran, Suriya, Livan kimi regional məsələlər daxildir.

İsrail rəsmiləri, ölkənin bölgədəki yüksək keyfiyyətli hərbi üstünlüyünü qorumaq üçün keçmiş Tramp administrasiyasının son həftələrində əldə edilən ABŞ-İsrail təhlükəsizlik anlaşmasını inkişaf etdirmək niyyətindədirlər. İsrail Baydeni bu razılaşmalara sadiq qalmasına əmin olmaq istəyir.




Mənbə: https://report.az/diger-olkeler/pentaqon-rehberi-israile-sefer-edecek/

Related Articles

Back to top button