Rusiya və ABŞ arasında strateji hücum silahlarının azaldılması ilə bağlı görüş keçirilib

Rusiya və ABŞ arasında strateji hücum silahlarının azaldılması ilə bağlı görüş keçirilib



Rusiya və ABS arasinda strateji hucum silahlarinin azaldilmasi ilə bagli

Rusiya və ABŞ Strateji Hücum Silahlarının məhdudlaşdırılması haqqında START-3 müqaviləsinin həyata keçirilməsi ilə bağlı məsləhət komissiyasının növbəti iclasını keçirib.

“Report” xəbər verir ki, bu barədə ABŞ Dövlət Departamenti məlumat yayıb.

Məlumatda deyilir ki, START-3 müqaviləsinə uyğun olaraq yaradılan ikitərəfli məsləhət komissiyasının 19-cu iclası Cenevrədə keçirilib.

ABŞ və Rusiya nümayəndə heyətləri tətbiqlə əlaqədar praktiki məsələlər ətrafında müzakirələrini davam etdiriblər.

Qeyd edək ki, START-3 Müqaviləsi 2011-ci ilin fevralında qüvvəyə minib. Şərtlərə əsasən, tərəflər nüvə arsenalını azaldacaq ki, 7 il ərzində qitələrarası ballistik raketi, sualtı qayıqlarda və ağır bombardmançı təyyarələrdə ballistik raketlərin sayı 700, döyüş başlıqlarının sayı isə 1 550-ni keçməməlidir.

2021-ci ilin əvvəlində müqavilə daha 5 il müddətinə uzadılıb.





Mənbə: https://report.az/diger-olkeler/rusiya-ve-abs-arasinda-strateji-hucum-silahlarinin-mehdudlasdirilmasi-ile-novbeti-gorus-kecirilib/

Comments are closed, but trackbacks and pingbacks are open.