Yeddilik ölkələri rəqəmsal ticarətlə bağlı yeni razılığa gəlib

Yeddilik ölkələri rəqəmsal ticarətlə bağlı yeni razılığa gəlib



Yeddilik olkələri rəqəmsal ticarətlə bagli yeni raziliga gəlib

“Böyük yeddilər” (G7) rəqəmsal ticarət və sərhədlərarası məlumat mübadiləsi ilə bağlı razılığa gəliblər.

“Report” xəbər verir ki, bu barədə Böyük Britaniya, Almaniya, İtaliya, Kanada, ABŞ, Fransa və Yaponiya ticarət nazirlərinin oktyabrın 22-də Londonda baş tutan görüşünün yekunları üzrə qəbul edilmiş bəyanatda deyilir.

Nazirlər rəqəmsal ticarətin uğurlu inkişafı üçün məlumatların sərhədlərarası sərbəst hərəkətinin vacib olduğunu vurğulayıblar.

Sənəddə qeyd edilir ki, mübadilə zamanı istifadə olunan məlumatların məxfiliyi, əqli mülkiyyət hüquqlarının və rəqəmsal təhlükəsizliyin qorunması başlıca prinsiplərdəndir.

Bəyanata görə, sözügedən prinsiplər xarici sərmayə və rəqəmsal ticarət üçün bazarların rəqabət qabiliyyətliliyini, şəffaflığını və əlçatanlığını təmin etməlidir.





Mənbə: https://report.az/diger-olkeler/yeddilik-olkeleri-reqemsal-ticaretle-bagli-raziliga-gelib/

Comments are closed, but trackbacks and pingbacks are open.