Zakir Həsənov Əfqanıstanda xidmət etmiş hərbçiləri təltif edib

Zakir Həsənov Əfqanıstanda xidmət etmiş hərbçiləri təltif edib


Əfqanıstan İslam Respublikasında həyata keçirilən “Qətiyyətli Dəstək” missiyasında iştirak etmiş Azərbaycan Ordusunun bir qrup hərbi qulluqçusu Müdafiə nazirinin əmri ilə təltif olunub.

Bu barədə “Report”a Müdafiə Nazirliyindən məlumat verilib.

Ölkəmizi və ordumuzu yüksək səviyyədə təmsil etmiş, xidməti vəzifələrini və qarşıya qoyulmuş tapşırıqları yerinə yetirərkən şücaət və fədakarlıq göstərmiş Azərbaycan sülhməranlılarına mükafatların təqdim edilməsi mərasimi keçirilib.

General-mayor Kənan Seyidov Müdafiə nazirinin əmrini şəxsi heyətə çatdırıb və hərbi qulluqçulara Azərbaycan Respublikasının “Şücaətə görə” və “Hərbi xidmətdə fərqlənməyə görə” medallarını təqdim edib.

Qeyd edək ki, Əfqanıstandakı “Qətiyyətli Dəstək” missiyasında iştirak etmiş hərbçilərimiz cari ilin oktyabrın 7-də Azərbaycan Respublikası Prezidentinin müvafiq Sərəncamı ilə “İgidliyə görə” və “Hərbi xidmətlərə görə” medalları ilə də təltif olunublar.

Zakir Həsənov Əfqanistanda xidmət etmis hərbciləri təltif edib





Mənbə: https://report.az/herbi-xeberler/efqanistandaki-qetiyyetli-destek-missiyasinda-istirak-etmis-bir-qrup-herbi-qulluqcu-teltif-edilib/

Comments are closed, but trackbacks and pingbacks are open.